Chapter 17: Doubting Their Love

George's POV:

Kahit nakapikit pa ay kinapa na niya ang higaan. Nagtaka siya nang walang maapuhap ang kanyang mga kamay. Iminulat niya ang kanyang mga mata at napakunot- noo nang hindi makita sa tabi si Estella. Agad siyang bumangon at napangiti nang makita ang bahid ng dugo na nasa kobre-kama. Bumalik sa kanyang balintataw ang nangyari nang nakaraang gabi.

"My Estella," bulong niya sa sarili.

Kinuha niya ang unan na ginamit ng dalaga. Naroon pa ang mabango nitong amoy. Dinala niya ito sa kanyang mga bisig at inilapat sa kanyang dibdib at hinagkan. Mabilis siyang naligo at nagbihis. Naiiling siya sa sarili. Para na ulit siyang teenager na nagsisimula pa lang magbinata. Pagkatapos tiyaking maayos na ang sarili ay agad na siyang bumaba. Nakasalubong niya sa hagdan ang paakyat na kasambahay.

"Good morning Señorito George!" masiglang bati nito.

"Good morning Adelfa!" Ganting bati niya rito.

"Papunta na sana ako sa inyo para sabihi