Chapter 18: Promises of Hearts

Two months later...

Hindi na sila nagkita o nag-usap man lang ni George simula noong kasal ng mga kapatid nila. Hindi na rin kasi ito tumawag Sa totoo lang ay namimiss na niya ito ngunit mas mabuti na rin na maagang naputol ang kanilang relasyon upang mas madali niya itong makalimutan.

Nakatulong ang pagiging abala niya sa trabaho upang hindi na gaanong isipin pa ang binata. Sa susunod na linggo na ang kasal ng bestfriend kaya nadagdagan ang pinagkakaabalahan niya.

Tinapos niya muna ang paggawa ng lesson plan bago nagpasyang umuwi. Pasado alas singko na kaya nasisiguro niyang nasa labas na ng paaralan si Mang Larry. Pagkatapos ligpitin ang mga gamit ay lumabas na siya ng school campus. Tinanaw niya ang lugar kung saan laging pumaparada ang matanda ngunit wala roon ang tricycle nito. Sa halip ay may nakaparada roong isang itim na Ford SUV. "Baka may pasahero pang inihatid," aniya sa sarili.

Lumabas mula sa sasakyan ang isang pamilyar na pigura at