Kabanata 16

Dahil sa nagkahalo halong emosyon, galit sa kanya at awa para kay Manang Sonya, ay tumayo ako ng mabilis para habulin ang halimaw.

"Sandali!"

Malakas na tawag ko nang makarating sa may pintuan. Bahagya pa akong nagulat at napahinto nang makita ang mga tauhan niyang bugbog sarado na nakahandusay sa sahig.

Huminto ang halimaw sa paglalakad at matalim ang mga mata nitong nakatingin sa akin nang humarap.

Nang magpang abot ang mga mata namin ay mas lalo akong nakaramdam ng pagwawala ng dibdib, na marahil gawa ng magkahalong galit, takot at nerbyos na nararamdaman ko dahil sa ginawa nitong pambababoy sa 'kin.

Napalunok ako ng mariin upang kumuha ng lakas. Bahala na, total naman kahit manahimik ako o lumaban ay tatratuhin pa rin naman ako nito bilang isang nakakaawang bilanggo.

Umangat ang isang sulok ng kilay nito nang di ako agad nakapagsalita.

"Ba-- bakit po papaalisin si Manang Sonya? Ganyan ka na ba ka walang puso para idamay ang taong nagsilbi sayo sa loob ng mahabang panahon?" Buong l