Kabanata 35

Kahit maraming bumabagabag sa aking isipan ay di ko mapigilan ang nararamdamang galak nang tuluyan kaming makasakay ng eroplano, kahit pa man parang hinahalukay ang tiyan ko nang tuluyan itong lumipad sa himpapawid. Sino ba namang hindi magagalak gayung buong buhay ko ay ngayon lamang ako nakasakay ng ganito na dati rati ay pangarap ko lang.

Yun nga lang sa ganitong paraan pa. At sobra ring nalulungkot ang kabilang parte ng puso ko dahil kasama ko sa pangarap na iyon ang Lola Cita ko. Yung kaming dalawa ang makasakay.

Bigla na lamang bumuhos ang emosyon ko at di na napigilan pa ang pagpatak ng mga butil sa aking mga mata nang maalala ang lola ko. Malabo ng matupad pa iyon dahil wala na siya. Hindi na siya kailanman babalik dahil pinatay na siya ng walang pusong halimaw na kasama ko ngayon. Ni hindi ko nga siya nabigyan ng maayos na libing kahit pa man alam kong napasama sa sunog ang katawan niya.

Lihim kong naikuyom ang kamao dahil sa biglaang pagbigat ng dibdib. Hindi ko kayang