Chapter 40

Lunch time came and we were now heading back to Baroc Island. Nandoon daw kasi ang mga bilihan ng pagkain. Kaya pala napansin ko na wala akong nakikitang mga nagtitinda sa dalawang isla na napuntahan namin.

Pagkahatid sa amin sa Baroc Island ay naghiwahiwalay na kaming mga pasahero. Nakadepende na lang daw sa amin kung itutuloy namin ang island hopping mamayang hapon. Napagkasunduan namin ni Arc na mag-snorkeling or scuba diving na lang at bukas na ituloy ang island hopping.

Nagtungo kami sa isang sikat na hotel restaurant dito sa isla. Pagpasok pa lang ay naniniwala na akong sikat at masarap ang pagkain dito dahil halos mapuno ang buong lugar. Mabuti na lang at may nahanap pa kaming bakanteng mesa para sa amin ni Arc.

“Anong order mo?” tanong ko kay Arc habang binubuklat ang menu.

S’yempre dahil malapit sa beach itong hotel kaya karamihan sa main course nila ay seafoods. Ang maganda sa mga pagkain dito ay puro Filipino dishes ang inihahain nila.