Chapter 45

Pagkagising ko ay bumungad sa akin ang hindi pamilyar na kwarto. Una kong tiningnan ang katawan ko at nakitang suot ko pa ang lahat ng damit ko. Inilibot ko ang paningin sa paligid bago ako bumaba mula sa kama.

Nasaan na naman ba ako? Sino na namang nagdala sa akin dito? Ang natatandaan ko lang ay umiiyak ako dahil hindi kaagad lumabas si Arc mula sa venue ng party.

Sumilip ako sa bintana at nakitang madilim pa sa labas. Umihip ang malamig na hangin kaya kinalabutan ako. Idagdag pa na puro puno lang ang nakikita ko sa labas. Isinarado ko ang bintana bago ako lumapit sa pinto. Dahandahan kong pinihit ang doorknob at bumukas naman ito.

Bahagya akong nakahinga dahil hindi naka-lock ang pinto. Pero nang itulak ko iyon ay naestatwa ako sa taong bumungad sa akin.

“Leo?”

Ngumiti siya. Hindi iyong klase ng ngiti na parang may masamang binabalak pero natakot pa rin ako.

“Gising ka na pala. Dadalhan sana kita ng pagkain,” sabi niya at ipinakita ang tray na dala niya.

Napaatras ako kaya nagaw