42.

[Apol]

“Mrs. Helger, wala parin si Mr. X. Sa ngayon ay hindi siya makakauwi dahil abala siya sa mga meeting niya sa Macao.”

Iyon ang sinabi ni Miss Carol pero hindi siya naniniwala sa mga ‘yon. Simula nang manggaling sila sa event ay hindi na siya kinausap pa ni Xerxes. Umalis ito matapos siyang ihatid. Ni hindi man lang siya kinausap nito.

Sobrang bigat ng dibdib niya, nagtatampo siya dahil hindi man lang siya nito pinakinggan at hinayaan na kausapin ang nanay niya, tapos ngayon naman ay ramdam niya ang panlalamig nito sa kanya. Dati ay tumatawag ito para kamustahin ang lagay niya at kausapin siya dahil namimis siya nito.

Pero ngayon ni isang tawag ay wala siyang natanggap mula rito. Nakakasama talaga ng loob.

“Mrs. Helger, mabuti pa ay pumasok na kayo sa loob. Malamig na dito sa labas, baka magkasakit kayo.”

“Ayoko, Rima. Dito lang muna ako… Hihintayin ko ang asawa ko baka kasi dumating siya tapos tulog ako.” Aniya sa dalawa.

Nagkatinginan nalang sina Rima at Ester. Alam naman n