43.

[Apol]

Pinilig niya ang ulo, inunat din niya ang braso. Halos umusok ang ilong at tenga niya dahil sa inis. Grabe, hindi man lang siya sinagot ng kausap niya kanina!

Isa siguro ito sa tauhan ng Lolo ni Xerxes— Pero teka, paano kung ito mismo ang Lolo ni Xerxes?

“Mrs. Helger, hindi maaari ang gusto mo. Nagbilin si Mr. X na hindi ka maaaring lumabas ng Villa—“

“Miss Carol, please naman, pumayag ka na. Hindi naman ako basta lalabas lang, sa lolo ni Xerxes ako pupunta.” Nagmamakaawang kumapit siya sa braso ng matanda at nagpapaawang tumingin dito na animo’y iiyak pa. “Sige na, Miss Carol. Promise hindi ko ipagkakalat na peke ang kilay mo—“

“Kailan ang alis natin?” Bigla ay tanong nito.

Napatalon siya sa tuwa. “Mamaya din pong hapon. Pero teka, anong natin po?” Nakakunot ang noo na tanong niya.

“Mrs. Helger, hindi ka maaaring umalis ng mag isa kaya sasamahan kita. Mas mabuti ng kasama mo ako para hindi ako masabon ng sobra ng asawa mo.” Tumikhim ito, mayamaya ay ngumiti ito ng nakakatakot