44.

[Apol]

Pulang-pula ang mukha niya sa sobrang hiya habang nakaupo sa harapan ni manong— Este ng Lolo ni Xerxes. Kulang nalang ay tumakbo siya pauwi sa kanila para, hindi niya magawang tumingin rito.

Nakakahiya! Kung ano-ano pa naman ang pinagsasabi niya rito. Napagkamalan pa niya na nobyo ito ni Miss Carol. Kaya pala gano’n nalang ang asta nila Rima at Ester dahil ito pala ang lolo ng asawa niya. Naku, makabalik lang talaga siya at masasapok niya ang dalawang ‘yon.

Hindi man lang sinabi sa kanya ng dalawa kung sino talaga ang matandang ito! Pati si Miss Carol ay gano’n din. Para siyang pinagkaisahan.

Sinamaan niya ng tingin sina Miss Carol at Butler Choco ng makita na halatang nagpipigil ng tawa ang dalawa.

Napaupo siya ng tuwid ng tumikhim ito. Nagagawa naman niya na ngitian ito noon, pero ngayon tabingi na ang ngiti niya dahil sa sobrang pagkailang.

“Apol, hija. Paumanhin kung hindi ko naipakilala sa’yo ang sarili ko. Natutuwa lang talaga ako sa pagiging totoo mo kaya ninais ko na m