Chapter 30

Nagising si Katie na kumakalam ang kaniyang sikmura. Subalit, ayaw pa niyang bumangon. Masarap pa ang matulog.

Muli niyang ipinikit ang mga mata. Ngunit, napakunot ang kaniyang noo nang maramdaman ang matigas na bagay sa ilalim ng kumot, pati na ang mabigat na braso na nakadagan sa kaniya.

Pagbukas ng kaniyang mga mata ay matagal muna siyang tumitig sa kisame. Pagkuwa’y dahan-dahan niyang nilingon ang katabi. Noon lang nag-sink in sa kaniyang isip ang nangyari. Malakas siyang napasinghap, kasabay ng mabilis na pagtatakip sa bibig.

“Hmm. . .” Gumalaw si Zach. Mas hinapit pa siya nito palapit sa katawan nito.

Tumitig siya sa mukha ng binata. Bakit kasi ang perfect ng mukha nito— na halos wala na siyang maipintas pa maliban sa isang pilat nito sa noo. Hindi iyon pansin sa malayo o kapag kaharap mo lang ito. Sa ganoong posisyon lang iyon makikita.

Wala rin siyang maipipintas sa kabuan nito. Ang katawan nito ay pang-hollywood star. Kahit ang mga labi nitong sobrang lambot ay lagi siyan