CHAPTER 11

TUWANG-TUWA niyang tinitingnan ang mukha ng kanyang kambal. Naisip na lang niya na may lahi siguro ng kambal ang lalaking kanyang nakaniig ng gabing iyon. Maaring sa kanila rin nakamana ng kagandahan ang mga ito dahil maganda at pogi ang kanilang naging supling.

Dumarating lang talaga ang mga pagkakataon na naitatanong niya sa sarili kung bakit kailangan niyang pagdaanan ang ganoong pagsubok sa buhay. Kapag hindi na niya kaya, nilulunod niya ang sarili sa alak hanggang makatulog. Kapag hindi nadaan sa alak, doon siya nakakahugot ng inspirasyon upang gumawa ng kanta.

Malaking bahay ang binili ni Nadja. Masyadong malaki para sa kanilang tatlo, kasama ang yaya at family driver niya. Tatlong palapag ito. Sa unang palapag ang maid’s quarter at driver’s room. Sa ikalawang palapag ang sariling kuwarto ni Nadja at may kanya-kanyang kuwarto ang kambal dahil babae’t lalaki sila. Sa ikatlong palapag naman ang entertainment rooms nila. May mini-theather ang bahay. Mayroon silang malaking telebis