CHAPTER 18

SA OSPITAL na nakatulog si Nadja. Hindi na siya nakauwi sa sobrang pag-aaalala. Mahimbing siyang nakatulog kahit nakasubsob sa kutson ng hospital bed. Hindi siya maistorbo ni Nessa dahil sinenyasan din siya ni Victor.

Tinanghali na ng gising ang babae. Napabalikwas ito sa pagkakatulog. Cellphone kaagad ang tiningnan kung anong oras na.

“OMG! My goodness! Bakit hindi mo ako ginising, Nessa?” Napatutop siya ng bibig at nagsalita ng walang boses. Inis na inis siya at gusto niyang sabunutan ang kasambahay.

Marami nang miss call siyang natanggap. Itinali niyang mabuti ang kanyang red satin robe at wala siyang pakialam na lumabas ng kuwartong iyon kahit naka-bedroom slipper lang din pala siya.

Halos iumpog ni Nadja ang ulo sa manibela. Mabilis siyang nakauwi sa bahay. Nagmamadali itong nag-shower at nagbihis. May schedule ng araw na iyon si Rosanna sa Channel 5-TV.

“Hey, DJ Ana. Anong oras na? Daig mo pa ang talent, may attitude ka kaagad? Hoy, ghost singer ka lang ha!” Dumiretso kaagad