CHAPTER 13

NARAMDAMAN ni Victor ang pagbuhos ng tubig sa kanya kaya siya nagising. Dinig niya ang malakas na tawanan ng mga goons. Napapaligiran siya ng mga kalalakihan katulad ng kanyang mga alalay ngunit mula ito sa grupo ng mga FilthyRich.

Hindi niya alam kung saan siya naroroon dahil madilim ang buong paligid bukod sa isang ilaw sa gitna na animo’y investigation room.

Sumagi sa kanyang alaala ang pagtatanong nila sa ina kumbakit wala palagi ang ama. Umiiyak pa si Victoria sa telepono habang kausap ang ama.

“Stop crying, Victor!” Naalala niyang sigaw ng ama. “Walang iyaking Peralta. STOP CRYING! STOP IT!” Pinilit niyang huminto sa pag-iyak. Pagkatapos noon ay aaluin siya ng ina at sasabihing busy lang ang ama sa trabaho. Uuwi din ito. Hindi niya kailangang mag-alala.

“Really, Mama! Daddy will come home soon!”

“Yeah, he will come and he often does. Tulog lang kasi kayo palagi.”

Kahit hindi niya gusto ang trabaho ng ama, pilit na ipinakilala sa kanya ang maruming mundo ng Mafia. Hindi niy