CHAPTER 76

Umupo si Nadja sa buhanginan. Pinagmasdan niya sina Inigo at ang kanyang kambal. Tama nga ang obserbasyon ng kanyang kasambahay. Naitanong tuloy niya kumbakit nga ba kamukhang-kamukha nito ang bata.

Maya-maya ay nakita niyang papalapit si Inigo at naupo sa tabi niya.

“Penny for your thoughts!” Ngumiti lang si Nadja. Pareho nilang tiningnan ang mga bata habang sinasalubong nila ang mga alon.

“Buti pa ang mga bata, malalakas ang loob ng salubungin ang alon. Pero habang tumatanda ang tao, gusto na niyang iwasan ang alon ng buhay. Masyadong malalakas ang alon, mataas at delikado.”

“Bakit ka matatakot kung may kasama ka?”

“Paano kong pareho silang matangay ng alon? Makakaligtas ba sila?”

“Tiyak na isa sa kanila ang malakas ang loob at handang sagupain kahit na gaano pa kalakas ang hampas ng alon.”

“So, malakas ang loob mo, ganoon ba?” Umiling si nadja at inismiran nito ang lalaki. “It’s nice to be back here. At least we all enjoy the waters. Ready ka na ba? Habol, Inigo!”

Mabilis na