Chapter 42

Mavi Pov

Maaga akong nagising kaya bumangon na ako sa kama at bumalik sa kuwarto ko. Naligo muna ako bago ako nagpasyang bumaba para magkape. Pababa na ako sa hagdan nang biglang naalala ko ang jacket ni Arthur na isinuot niya sa akin kagabi habang nasa loob kami ng kanyang kotse.

Saglit akong nag-isip kung saan ko ba nailagay ang jacket ni Arthur pagdating ko kagabi. Biglang bumalik sa aking isip ang nangyari kagabi. Hindi ko pala hinubad ang jacket at sa halip ay nakalimutan kong suot ko pa iyon. Siguro nang tumalon papunta sa akin si Moses at napaupo ako sa sofa ay saka iyon nalaglag.

Bumaba na ako sa hagdan at dumiretso sa sala para kuhanin ang jacket ni Arthur. Lalabhan ko muna iyon bago ibalik sa kanya. Ngunit pagdating ko sa sala ay hindi ko nakita sa sofa ang jacket ni Arthur.

"Chel? Chel?" tawag ko sa katulong ni Alpha Magnus.

"Bakit, Mavi?" Humahangos na lumapit sa akin si Chel. Siguro ay naglilinis ito dahil may hawak pa itong basahan sa kamay nito.

"Napansin mo ba ang ja