Chapter 43

Mavi Pov

Naghahanda na akong matulog nang biglang may kumatok sa aking silid. Dinampot ko muna ang aking bathrobe at ipinatong sa suot kong manipis na pantulog bago ko binuksan ang pintuan. Agad akong napasimangot nang makita kong si Sonia ang nasa labas ng aking silid at siyang kumatok sa pintuan.

Ano naman kaya ang kailangan niya sa akin ngayon? Inis na tanong ko sa aking isip.

"Nagkamali kaya yata ng kinatok na pintuan, Sonia? Hindi ito ang kuwarto ni Alpha Magnus," mariin ang boses na kausap ko sa kanya. Kahit kailan ay hindi ko makakalimutan ang ginawa niyang pananakit sa anak ko.

Akmang isasarado ko na ang pintuan nang bigla iyong pigilan ni Sonia. "Sandali lang, Mavi. Ikaw talaga ang sadya ko at hindi si Alpha Magnus. Alam ko naman kung nasaan ang silid niya dahil madalas doon ako natutulog."

Tumaas ang isang kilay ko dahil sa kanyang sinabi. Obvious namang gusto niyang ipaalam sa akin na may nangyaring intimate sa pagitan niya at ni Alpha Magnus.

"Anong sadya mo sa akin?" se