Chapter 44

Mavi Pov

"Ano? Nagkaharap kayo ng ama at kapatid mo? Nakilala ka ba nila? Ano ang sabi nila sa'yo?" sunud-sunod na tanong ni Lotlot matapos marinig ang aking kuwento. Pagkatapos ng office hours ay pinuntahan ko siya sa bahay nila at ikinuwento ko sa kanya ang tungkol sa hindi sinasadyang pagkikita namin ng aking ama at kapatid. Gusto sana akong ihatid ni Arthur pauwi sa bahay ni Alpha Magnus ngunit tinanggihan ko ang alok niya.

"Of course, hindi nila ako nakilala dahil iba ang mukha ko ngayon. Pero kahit na iba ang mukha ko at siguradong hindi nila ako makikilala ay hindi ko pa rin maiwasan ang makaramdam ng kaba habang kaharap sila," paliwanag ko sa kanya, pagkatapos ay biglang lumungkot ang aking mukha. "I also missed them. Kahit na madalas akong inaaway ni Mayer ay kapatid ko pa rin siya at namimis ko na rin siya."

Humugot ng malalim na hininga si Lotlot bago muling magsalita. "So ano ang gusto mong mangyari ngayon, Mavi? Gusto mo bang ibalik ko ang dati mong mukha? Ngunit tandaan