Chapter 10

ABALA ang grupo ni Navi para sa unang gabi ng kanyang concert tour sa Victory Arena na magsisimula ng alas-otso. Maaga pa lang ay nasa venue na si Mabelle para asiksuhin ang dating asawa. Kahit aligaga sa dami ng trabaho ay isinama pa rin niya si Paris upang masaksihan ang once-in-a lifetime experience na ito.

Nasa dressing room na sila noong mga oras na iyon. Tahimik na nakaupo si Navi sa harap ng dressing table habang busy sa pagtitipa ng mensahe sa cellphone. Si Mabelle nama'y tumutulong sa pag-aayos ng mga gamit at kasuotan ni Navi, habang si Paris ay nasa gilid kasama ang bodyguard na si Earnest.

Nang matapos ayusan ng professional stylist ay tinawag ni Navi ang kanyang atensyon upang ipakuha ang gold sequin blazer na isusuot nito para sa opening performance. Agad na tumalima si Mabelle at hinanap mula sa garmet rack ang nasabing kasuotan.

Inalis niya ang plastic na nakabalot sa damit at pinakita 'yon sa lalaki. Mabilis na kumunot ang noo ni Navi at tila hindi nasisiyahan sa kanya