Chapter 9

THE NEXT DAY, Mabelle woke up early as usual. Nang makapag-inat-inat ay bumangon siya sa higaan at nagtimpla ng kape. Kapares ang isang piraso ng tinapay ay tahimik siyang nag-almusal sa magarbong mesa ng kanilang kwarto.

Mayamaya, nasagap ng kanyang pandinig ang pag-angil ng cellphone niya na nakapatong sa bedside table. Upang hindi magising ang natutulog na si Paris ay agad niyang kinuha 'yon.

Bumungad sa screen ang malaking pangalan ni Jhazz. Tumatawag ito through Messenger at nais nitong makipag-videocall sa kanya. Nalaman 'ata nitong online siya dahil nakaligtaan niyang i-disconnect ang cellphone niya sa wifi mula kagabi.

Naglalakad siya pabalik sa dining table. Awtomatikong lumitaw sa screen ang mukha ng kaibigan nang i-tap niya ang answer button. Base sa background na nakikita niya ay mukhang nasa loob si Jhazz ng maid's quarters.

Kumaway siya sa camera. "Good morning, Mars. Ang aga mong napatawag. Kumusta kayo diyan? Okay lang ba ang mansyon?"

"Hi, Mabelle. Naku, okay na okay