Chapter 17 (Part 1)

SCARLETT

PAGSAPIT ng uwian ay agad na akong tumayo sa kinauupuan at naghintay sa paglabas ng boss ko.

Naging ok naman na ang lahat matapos ang nangyari, muli akong kinausap ni Lucien at pinaliwanag ang dahilan ng pag punta ni Crystal sa opisina niya. Kinuwento rin niya ang nangyaring paguusap nilang dalawa. Naging payapa naman ang maghapon ko at hindi mabigat sa pakiramdam. Feeling ko nga nag bago na talaga si Lucien. Pero syempre kailangan ko pa rin mag ingat baka pinapaikot lang ako ng lalaking ‘yun, Maganda ng sigurado.

Umayos ako ng tayo ng bumukas ang pinto ng opisina ni Lucien. Agad napatingin sa akin ang lalaki saka bahagyang tumango tapos lumapit.

“Hermosa, ayos lang ba sayo kung dadaan tayo sa Bar ni Ace sa BGC? Gusto ko lang humingi ng tawad sa dalawa at para makausap kona rin sila ng maayos. Nandoon daw sila ngayon sabi ni Isaiah.” Mahinahong turan ni Lucien.

Aba-aba, improving siya ha? Hindi ako sinungitan. Gusto ko ‘yan, kapag ganyan siya ng ganyan.