Kabanata 65

Masayang kumakain ang pamilya ni Senator Oscar sa isang mamahaling restaurant sa hotel. Nakabantay lang naman sina Davina sa gilid kasama ng mga nasa team niya. Nakamasid siya sa labas ng bintana, hindi siya mapakali dahil iba ang pakiramdam niya.

Napatingin sa kaniya ang mga kasama niya nang maglakad-lakad si Davina sa gilid ng glass wall. Salubong ang mga kilay ni Davina saka siya tumingin sa labas ng glass wall, wala naman siyang ibang makita kundi ang mga nagtataasan na building din sa labas at ang mga nagmistulang mga laruan na sasakyan sa ibaba.

Tiningnan ni Davina ang masayang pamilya ng senador na kumakain saka siya may pinindot sa ear piece niya.

“Kumusta ang lagay diyan sa labas? Wala bang kahina-hinala?” tanong niya kay Rose at Mateo na siyang nagbabantay sa labas ng kwarto.

“Wala naman, maayos naman ang lahat.” sagot ng mga ito sa kaniya. Masyado lang sigurong napapraning si Davina dahil halos kababalik niya lang ulit ng trabaho niya.

Nanatili silang nagbabantay pero si Da