Kabanata 66

Nakabalik na sina Davina sa headquarter nila at pare-pareho silang tahimik. Nang pumasok sila sa office ni Mr. Flores ay sabay-sabay silang yumuko at bumati rito.

“What happened?” unang tanong kaagad ni Mr. Flores sa kanila. “Paanong nawala sa inyo si Senator Oscar? Sinabi ko sa inyong bantayan niyo siya ng mabuti. Nasa loob na kayo ng building, sa isang kwarto pero bakit natakasan pa rin kayo ng kung sino mang nanguha sa kaniya?” may diin ang bawat bigkas niya ng mga salita. Ayaw niyang sigawan ang mga tauhan niya gayong hindi rin naman nila ginusto ang nangyari.

“Pasensya na Sir, sa tagal na nawalan ng power hindi na namin namalayan dahil walang kaingay-ingay na nagawa ang kidnapper. May sniper din na nakaabang kaya hindi namin pwedeng buksan ang mga flashlight namin kaya naisip na lang namin na palabasin sila kahit na madilim at dahil nga madilim hindi na namin nakita na natangay na pala si Senator Oscar.” Pagpapaliwanag naman ni Davina na siyang nasa harapan.

Napakamot na lang s