Kabanata 64

Maayos na ang itsura ni Davina, suot-suot ang uniform niya. Halos lahat ng mga nakakasalubong niya ay bumabati sa kaniya at ang iba naman ay umiiwas dahil kilala na nila si Davina. Diretso at taas noo maglakad si Davina at blangko lang ang mukha niya at hindi mo gugustuhing banggain siya.

Bago siya makapunta sa office ng ama niya ay nakasalubong niya na si Kenzo na nakasandal pa sa pader at nakabulsa ang dalawa niyang kamay. Hindi na lang siya inimikan ni Davina at dumiretso si Davina sa office ng Daddy niya habang nakasunod sa kaniya si Kenzo.

Kumatok na muna siya sa pintuan ng tatlong beses saka niya ito binuksan. Naabutan niya naman ang ama niyang nakatingin lang sa labas ng bintana habang nakapamulsa ang dalawa niyang kamay.

“Good morning Sir,” sabay na bati ni Davina at Kenzo. Hinarap naman na ni Mr. Flores ang dalawa saka siya naupo sa swivel chair niya at pinaglalaruan ang ball pen sa mga daliri niya. Hindi niya alam kung paano ba niya sisimulan na sabihin lahat kay Davina laha