Kabanata 63

Inilabas ni Kenzo si Davina na tahimik pa rin. Inalis ni Davina ang kamay ni Kenzo na nakahawak sa kaniya saka siya naunang maglakad kay Kenzo dahil mas nakakataas pa rin naman siya kay Kenzo. Dumaan sila sa likod kung saan bihira lang ang mga tao saka naupo si Davina sa isang bench. Nakasunod lang naman sa kaniya si Kenzo.

Hinarap ni Kenzo si Davina at tiningnan ang sugat sa gilid ng labi nito. Iniwas naman ni Davina ang paningin niya dahil kahit papaano ay nahihiya siya kay Kenzo dahil sa nangyayari sa kaniya.

“Nagdala ako ng gamot para sa sugat mo sa labi mo, hayaan mong gamutin ko na muna.” Malumanay niyang wika, dapat ay magalit din siya kay Davina pero kabaliktaran ang inaasahan ngayon ni Davina.

Maingat na hinawakan ni Kenzo ang baba ni Davina saka niya pinahiran ang gilid ng labi ni Davina gamit ang bulak.

“Bakit hinayaan mong manahimik ka lang? Masyado akong naninibago, nasaan na ang Davina na walang kinatatakutan kahit sino pang superior ang kumausap sayo. Bakit mo hinayaan