Kabanata 62

Hawak-hawak ni Evander si Davina habang nakatutok pa rin ang baril niya sa ulo nito.

“Subukan niyong lumapit, papatayin ko talaga ang babaeng ito.” Seryosong saad ni Evander.

“See? I told you! Hindi sila mapagkakatiwalaan dahil kapag nagkagipitan, ikaw ang talo Davina.” Ani pa ni Mr. Flores pero hindi nagsasalita si Davina.

“Wala akong pakialam sa sinasabi mo Mr. Flores. Utusan mo ang mga tauhan mong ibaba nila ang mga baril nila dahil kung hindi, hindi ako magdadalawang isip na iputok ‘to.” Ikinasa ni Evander ang baril niya kaya nataranta si Mr. Flores. Itinaas niya na ang mga kamay niya.

“Gawin niyo ang sinabi niya.” Baling ni Mr. Flores sa mga tauhan niya.

Nagngingitngit naman ang mga ngipin ni Kenzo habang nakatingin kay Davina at Evander.

“Don’t you dare to hurt her or else I will kill you.” Madiing saad ni Kenzo kay Evander pero hindi siya pinansin ni Evander.

Dahan dahan na silang naglakad palabas ng kwarto habang paatras din sina Mr. Flores at Kenzo para bigyan ng daan si Evan