Chapter 23- With or Without You

"Kailangan ko nang umalis, pero gusto mo bang isabay na kitang ihatid sa fast food na pinapasukan mo?" wika ni Fifth kay Rosette.

Saka niya naman nakita ang dali-daling pag-iling nito. "Ah, hindi na.. magko-commute na lang ako, at saka inaalala ko rin si baby kapag umangkas ako sa motor mo, e."

Tipid siyang napangiti. "Hindi 'yan. I promise, I'll be gentle." Sandali pa siyang kumindat dito at tila ba natameme ito sa kinatatayuan.

"O-o sige na nga, sandali at mag-aayos lang ako."

"Kailangan pa ba talaga 'yon?" Taka itong tumingin sa kaniya.

"Oo naman!" masigla pa nitong kasagutan.

At tila natameme na naman ito sa sinabi niya, "But you are already beautiful." Nagawa pa niya itong titigan sa mga mata. "No kidding, Sette, you're so beautiful."

Hindi nito maiwasang mapangiwi lalo na't sadyang mabilis na tumatakbo ang oras. Kaya dali-dali itong naglagay ng lipstick sa may labi habang sinasabi. "E, kung sa bahay lang naman talaga ako ay hindi ako nag-aayos, ang kaso ay kailangan kong maging p