Chapter 48: It's Finn

Third-Person's Point of View

Kahit nagtataka sa kung sino ang nagmamay-ari ng numero, sinagot pa rin ni Elyana ang tawag sa pag-aakalang si Felicity lamang iyon, na baka na-lowbat ang cellphone kaya nakitawag sa iba.

Nakangiti pa siya nang pindutin ang berdeng buton upang sagutin ang tawag makalipas ng ilang segundong pagtitig sa screen ng hawak nitong cellular phone.

Maliban sa mga magulang na halos araw-araw niyang kakamustahan ay wala na siyang ibang inaasahang maaring tumawag. Wala pa kasi ang bakla na madalas maaga kung umuwi at kasabay niya kung maghapunan mula nang sa kanila na ito tumutuloy.

Isa pang napansin niya ay nagsisimula sa six at three ang numero kaya tiyak na sa Pilipinas iyon at hindi ang mga magulang niyang nasa ibang bansa.

"Hello!" May sigla niyang pagbati at pati ang mga mata ay nakangiti.

Ang nasa kabilang linya naman ay hindi magkandaugaga nang narinig na ang boses ni Elyana. Hindi niya inaasahang sasagutin nito ang tawag dahil hindi ugali ng kaniyang dating