Chapter 49: His Attempt

10 o'clock sa isang Mexican restaurant ang oras at lugar ang napili ni Elyana. Pinadalhan lamang niya ng mensahe ang dating asawa upang iparating na payag na siyang makipagkita matapos ang pangungumbinsi ni Felicity sa kaniya. Kalakip na ng mensaheng natanggap ng lalaki ang eksaktong address ng nasabing kainan dahil batid naman ni Elyana na walang alam ito sa pasikot-sikot sa Maynila.

Pinagdududahan niya ang biglaang pag-iiba ng ihip ng hangin sa di niya maipaliwanag na dahilan. Ang dahilan—tanging sina Felicity at Florentin lang ang may alam.

Nagkausap ang dalawa nang pauwi na si Felicity sa mansion. Ipinarating sa kan'ya na muli silang nagkausap ni Finn sa telepono at nakiusap itong ibigay ang numero ni Elyana upang kaniya raw makausap.

Nagkaroon ng pagtatalo ang dalawa bago nakumbinsi si Florentin na ibigay ang hinihingi nito. Marami rin siyang nalaman na kusang-loob na isiniwalat ni Finn sa kaniya.

Nang marinig ni Felicity ang lahat ay hindi siya agad naniwala sa mga 'yon. Nais