Chapter 26.1

HIGIT na bumilis ang pagtakbo ni Callie nang abot tanaw niya na ang kanilang bahay. Matapos marinig ang sinabi ni Hera tungkol kay Henry ay hindi na siya nag-atubili na bumalik sa kanila. Natitiyak niyang hindi nagsisinungaling ang kaibigan dahil narinig niya ang lahat sa cell phone nang kausap niya ang kaniyang Papa Simeon kanina. Narinig niya ang boses ni Henry.

Naroroon ang takot kay Callie. Hindi pa siya handa na muling makaharap ang mga kalahi na nagtangka sa buhay niya noon. Ngunit sa kabila ng nararamdaman, mas nangingibabaw sa kaniya ang takot na mapahamak ang kaniyang mga mahal sa buhay. Kinuha na nila ang lahat sa kaniya, hindi na siya makapapayag na pati ang mga inosenteng sina Mercy at Simeon ay kunin nila sa kaniya.

Isang malakas na pagsabog ang nagpatigil sa kaniyang paghakbang. Napasigaw at napaiyak siya nang makitang sumabog ang kanilang bahay at nagsimula nang masunog.

Nagsibukasan na rin ang mga ilaw ng mga kalapit na bahay dahil sa nangyaring pagsabog. Marahil ay nag