Chapter 9: accident

PARANG binuhusan ng malamig na tubig si Gianna habang laglag ang balikat niyang lumabas sa silid ni Oliver. Hindi niya kayang gawin ang gusto nito, hindi niya ibibigay ang sarili sa demonyong katulad nito.

Patuloy sa pagtulo ang luha sa kaniyang mga mata habang lulan siya ng elevator pababa ng building. Gusto niyang humagulhol at sumigaw dahil hindi na niya alam kung paano ang gagawin. Wala na siyang ibang maisip na paraan.

Bumukas ang elevator at nagulat siya nang bumungad si Madison sa harap niya. Agad niyang pinawi ang luha sa kaniyang mga mata.

Tinaasan siya ng kilay ni Madison habang palabas siya ng elevator.

"What are you doing here?" mataray na tanong nito sa kaniya.

"M-may pinuntahan lang ako, Madison," dahilan ko habang pilit inaayos ang hitsura ko.

"Guess what, you went to Oliver, right? Bakit? Para magmakaawang balikan ka? Come on, Gianna kahit anong gawin mo, hinding-hindi na siya babalik sa 'yo. Alam mo kung bakit? Wala na rin naman siyang mapapala sa iyo. Your family co