Chapter 14: help me, Oliver!

HINDI mapigilan ni Gianna ang mabilis na pagtibok ng kaniyang puso dahil sa labis na kaba nang bumaba siya sa isang hotel na sinabi ni Oliver kung saan sila magkikita.

Nanghihina ang tuhod niya nang humakbang siya papasok sa gusali. Hindi pa man siya nahahawakan ni Oliver, nandidiri na agad siya sa sarili dahil sa pagpayag niya sa kagustuhan nito kapalit ng paglaya ng pamilya niya sa eskandalong sumira sa kanila.

Nang tumungo siya sa counter para magtanong kung saang room nandoon si Gabriel, agad na siyang nakilala ng receptionist kaya agad siyang iginiya patungo sa room. Nasa 3rd floor iyon ng building.

Huminga siya nang malalim at pumikit bago hinawakan ang doorknob ng pinto. Mas lalong bumilis ang tibok ng puso niya. Wala na ba talagang ibang paraan? Umaasa siyang sa isang segundo, makakaisip siya ng mas mabuting paraan para mailigtas ang kaniyang pamilya pero wala. Wala na siyang ibang maisip kung 'di ibenta ang sarili kay Oliver.

Nangangatog ang mga tuhod niya nang pihitin niya a