Kabanata 29

"Uncle Fred," masayang sigaw ni Widmark nang makita niya sa labas ng gate si Fred. Nakasandal sa kotse niya. Nakapamulsa na parang nagpapa-picture lang.

Kaway lang ang tugon nito kay Widmark. Paano kasi, matalim ang tingin niya kay Tonyo. Hawak nga kasi namin ang kamay ng Anak ko.

Nagkatingan pa kami ni Tonyo. Tuwang-tuwa kasi si Widmark. Pero mukha ni Fred, murag gikumot ug yawa(kinuyumos ng demonyo.)

Grabe, kulang na nga ako sa tulog dahil sa mga pangyayaring hindi ko pa alam kung ano ang dapat gawin. Idagdag pa ang hilik ni Tonyo na parang binabangungot. Tapos heto, ang isang kaharap namin ngayon, ang aga-aga, busangot na ang mukha.

Pigil ang pagbuntong-hininga ko, bago lumingon kay Tonyo. Bahagyang pag-iling lang ang tugon niya. Alam ko ramdam niya kung ano ang nararamdaman ko ngayon.

Siya na lang ang nagbukas ng gate. Hindi ko na kasi kayang sulubungin ang nag-aapoy na tingin ni Fred. Panay yuko na lang ang ginawa ko.

Hindi ko alam kung galit siya sa akin o galit siya kay To