Chapter 51 - Sa Akin Ka Lang

Rhian's Point of View

Naramdaman kong may malakas na brasong humapit sa aking baywang at hinila ako pataas.

Ang nag-aalalang mukha ng binata ang aking nasilayan ng sandaling maimulat ko ang aking mga mata.

'Logan.' Sigaw ng aking utak. Hindi ko inaasahan na siya ang sasagip sa akin.

May mapait na ngiti ang sumilay sa aking mga labi. Kailangan ko pa bang mapahamak para lang lumapit at magpakita ito?

Maraming tubig na ang nainom ko at sobrang nanghihina na ang aking katawan kaya tuluyan na akong nawalan nang malay.

Hindi ko na alam ang mga sumunod na nangyari. Nagising na lamang ako nang marinig ko ang boses ng aking anak. Gusto kong imulat ang aking mga mata ngunit hindi ko magawa. Pakiramdam ko'y nawala ang lahat ng aking lakas.

"Tito Drew, bakit hindi pa po nagigising si mommy?"

'Tito Drew? Bakit nandito si Drew? Nasaan ako? Si Drew ba ang nagligtas sa akin?' Nalilito kong tanong sa aking isipan.

Ngunit hindi ako maaring magkamali, si Logan ang huli kong nakita. Si Logan ang sumagip