Chapter 56 - Logan, Ang Anak Natin!

Rhian's Point of View

Kinabukasan, pagkagising ko'y wala na si Logan sa aking tabi. Nanghihina akong bumangon.

Hindi ko maiwasan ang mapangiti nang maalala ko ang mga nangyari sa amin ni Logan kagabi. Madaling araw na kami natulog dahil halos hindi niya ako tinigilan.

Nagpunta ako sa kwarto ni Zane upang tingnan kung gising na ito, ngunit wala ito sa kanyang kwarto.

Dali-dali akong bumaba at hinanap si Rose. Nakita ko siya sa kusina kasama si Manang Dulce na abala sa pagluluto.

"Oh, Iha. Gising ka na pala." Usal ni Manang Dulce nang makita niya ako.

"Napasarap ba ang tulog mo ate, o pinuyat ka ni sir Logan?" Nanunudyong tanong ni Rose.

Pinandilatan ko ito nang mga mata, ngunit humagikhik lamang ito. Napangiti na rin si Manang Dulce.

"Anong oras na ba? Asan pala ang aking anak at si Logan?"

"Ah, ang iyong mag-ama ba, iha? Naku! Nasa dagat sila ngayon. Narinig kong sasakay sila sa yate."

Nangunot naman ang aking noo. "Ho? Eh bakit hindi daw ho nila ako isinama?"

Nakaramdam ako nang in