Chapter 58 - Gagawin ko lahat ng gusto mo.

Rhian's Point of View

Napagpasiyahan ko nang umakyat sa kwarto ni Logan dahil hindi ko na kayang uminom pa. Ilang oras rin akong naghintay sa pagbalik niya ngunit hindi pa rin ito umuuwi.

Mapait akong napangiti sa aking sarili. Hanggang kailan ko ba sasaktan ang aking sarili?

Sinubukan kong maglakad nang tuwid ngunit nahihirapan akong ibalanse ang aking katawan. Ilang beses na akong muntik na matumba, mabuti na lamang at may nahahawakan ako.

Paakyat na ako sa hagdan nang makita ko si Rose. Marahil ay nagising lamang ito. Nagtataka itong lumapit sa akin.

"Ate, ngayon pa lamang ba kayo matutulog? Saka, bakit amoy alak kayo, lasing ho ba kayo?"

Lumapit ito sa akin at napangiwi pa ito noong inamoy-amoy niya ako.

Ngumiti lamang ako sa naging reaksyon nito at nagpatuloy na ako sa paghakbang. Nakakailang hakbang pa lamang ako nang dumulas ang aking paa sa hagdan dahil nawalan ako ng balanse. Mabuti na lamang at nahawakan agad ako ni Rose, kung hindi siguradong bumagsak na ako sa sahig.

"D