Chapter 57 - Nagseselos ka ba?

Rhian's Point of View

Ilang minuto na ang lumipas simula nang umalis sina Vera at Logan ngunit nanatili pa rin ako sa aking kinatatayuan. Hindi ako makagalaw. Kinapa ko ang aking dibdib dahil hindi ako makahinga. Parang pinipiga ang aking puso, halata kanina sa mukha ni Logan ang pag-aalala para kay Vera at sa magiging anak nito.

Paano kung kay Logan nga ang batang iyon? Paano kung sila ang piliin nito kaysa sa amin ng aking anak?

"Pumasok na po tayo sa loob, mommy." Boses iyon ni Zane na nagpabalik sa aking sarili mula sa malalim na pag-iisip.

Pilit akong ngumiti sa aking anak. Ayaw kong ipakita sa kanya na nasasaktan ako. Kailangan kong maging matatag para sa aking anak.

Nasasaktan ako sa katotohanan na may pakialam pa rin si Logan para kay Vera. Ni hindi na nga nito nagawang magpaalam sa amin ni Zane bago siya umalis kanina.

Nanghihina akong pumasok sa loob at dahan-dahan akong naupo sa sala.

"Kukuha lamang po ako ng tubig, mommy."

Sinundan ko lamang nang tingin ang aking anak hab