Chapter 52 - Lalaki sa Lalaki

Rhian's Point of View

Sandaling namagitan sa aming dalawa ni Logan ang nakabibinging katahimikan.

Malamig naman sa kwartong iyon ngunit pinagpapawisan ako dahil kaming dalawa lamang ng lalaki ang naroroon.

Hindi ko alam kung anong tumatakbo sa kanyang isip, matamang nakatitig lamang ito sa akin habang awang ang kanyang mga labi.

Hindi ko magawang umiwas sa malalamig nitong mga titig. Ang kanyang kulay asul na mga mata ay punong-puno nang pananabik at pagnanasa.

Sunod-sunod ang ginawa kong paglunok sa aking laway, nang bumaba ang tingin niya sa aking mga labi.

"I miss you, Rhian. Matagal ko nang gustong gawin sa'yo ito, simula noong pinuntahan mo ako sa Resthouse."

"A-Anong gusto mong-"

Hindi na pinatapos ni Logan ang aking sasabihin dahil mabilis itong yumuko sa akin upang maabot niya ang aking mga labi.

Bahagyang umawang ang aking mga labi nang maramdaman ko ang malambot niyang mga labi. Nagkaroon naman nang pagkakataon ang lalaki na ipasok ang kanyang dila at halos sakupin na niya a