CHAPTER TWENTY-EIGHT

CHAPTER TWENTY-EIGHT

Hanggang sa naramdaman niyang kinikiliti siya ni Gerald at dahil hindi na siya halos makahinga sa pagpigil niya ng nararamdaman niyang kiliti ay gumanti din siya. Dalawang kamay niya ang ginamit niya sa magkabilang kili-kili ni Gerald kaya nabitiwan siya nito at kapwa sila namumula sa katatawa.

"Uyy, hintayin mo ako!" sigaw ni Gerald habang naghahabulan sila papuntang exit ng basement.

"Ayaw ko nga. Nangingiliti ka kaya."

"Hindi na nga. Promise."

"Sus? Promise daw. Di ako naniniwala sa'yo. Tingin mo pa lang may binabalak ka na eh."

"Sandali nga pala.”

“Bakit?”

“Yan? As in yan ang damit mo sa lakad natin?"

Tinignan ni Diane ang suot niya. Suot pala niya ang uniform niyang pang-janitress.

"May white shirt ako sa loob ng kotse. Medyo sakto naman siguro iyon sa’yo kasi pang-loob koi yon e. Magpalit ka muna kaya." si Gerald.

“Okey na ‘to.”

“Huwag ka nang kumontra.” Bumalik siya sa kotse at kinuha niya ang polo shirt niya saka niya ibinato kay Diane.

Tumalikod lang siya