CHAPTER 27

" Stepsister niyo si Jullie? " hindi ko napigilan ang sarili na magulat sa rebelasyon mula sa isang Delgado tungkol sa sikreto ng pamilya niya. " So, ibig sabihin si Ma'am Jazmine ay..."

" Step-mom ko, " pagpapatuloy ni Sir Joaquin. " Seven years old ako nang mamatay ang real mom ko. Ilang months lang, lumitaw bigla si Tita Jazmine kasama si Jullie na two years old na noon—anak nila ni Papa. "

Umawang ang bibig ko. Hindi ko inakala na malalaman ko ang sikreto ng pamilyang Delgado na galing pa mismo sa bibig ng isang Delgado. Ang alam naming lahat, isang perpekto at masayang pamilya ang mayroon si Sir Nicolas dahil sa totoo lang, mabait naman si Ma'am Jazmine noong mga panahong bumibisita ito sa kompanya noong nandito pa sila. Si Jullie naman, kaya hindi ko siya agad nakilala noong nakaraang araw ay dahil ang laki ng pinagbago niya. Iba nga ang hangin sa ibang bansa.

" So, ang dahilan kung bakit ka sinuntok ni Sir Nicolas ay dahil sa kanila? " paniniguro ko dahil sa totoo lang, hind