CHAPTER 26

" Guys, alam niyo na 'yong balita? Uuwi raw pala ng bansa si Sir Nicolas? " ang bungad saamin ni Jana nang sabay-sabay kaming maupo sa paborito naming mesa sa cafeteria.

" May welcoming party daw sa Saturday kaya half-day lang tayo noon. Night pool party daw. True ba? "

" Night pool party? Saan mo naman nakalap 'yang balita na 'yan? " Natatawang tanong ni Ruiz. " Company dinner ang mangyayari, walang party. "

Nawala ang liwanag sa mukha ni Jana. " Ay we? Akala ko ba naman party. Nag-iisip na ako ng outfit ko sa Saturday, eh. Muntik na akong mag order ng swimsuit. "

Hindi ko maiwasang matawa. " Semi-formal dinner 'yon, Jana. Sige, try mo mag suot ng swimsuit, may pool naman sa venue. Malay natin, baka puwedeng maligo roon? Tumalon ka na lang. "

" Baka kapag ginawa ko 'yon, kinabukasan wala na akong trabaho. " Napanguso si Jana. " My gosh, kinakabahan na ako sa susunod na linggo pa lang. Imagine, dalawang Delgado na ang nandito sa office natin? Nakakatakot huminga. "

" Bakit ka naman na