Chapter 28

Pag gising ko, nakita kong sobrang linis ng buong bahay. 'Yong kurtina nakatali, 'yong sahig sobrang kintab, 'yong cabinet napaka pulido at wala ng alikabok at 'yong mga gamit na nagkakalat sa kung saan e nakalagay na sa kinalalagyan nila.

Tapos nakahanda na 'yong breakfast sa lamesa at puno lahat ng tubig ang tab namin sa kusina, gano'n din sa banyo namin pag tingin ko.

Hindi ako makapaniwala sa nakikita ko ngayon.

Impossibleng magagawa niya 'to nang ganito ka dali.

At anong oras siyang nagising kanina para lang mag linis, mag igib ng tubig at mag luto?

"Good morning, Girlfriend ko!"

Agad naman akong napalingon sa likuran ko kung saan nakatayo siya't nakangiti sakin.

"Your breakfast is ready." nakangiting sabi niya. "Ang gagawin mo na lang ay mag hugas ng kamay para kumain."

Tapos lumapit siya sakin at dinala ako sa lababo para mag hugas ng kamay.

Pagkatapos no'n, hinila niya 'yong upuan tsaka ako pina upo.

"Kumain ka na." aniya. "Tsaka kung gusto mong maligo, puno na lahat ng tubi