Chapter 48

Pinahiram ko ng damit si Miguel. Marami naman akong mga damit na malalaki at hindi ko na ginagamit. Tapos ko na rin gamotin ang mga sugat at pasa niya sa katawan.

"Dito ka na lang matulog. Samahan mo ako," sabi ko habang nagtitimpla ako ng gatas. Kumuha ako ng mga pagkain sa mini ref at inilagay ito sa mesa.

"Alam mong hindi pwede 'yan, Caroline." Tumayo siya at tinulongan ako sa pagdala ng mga pagkain. "Baka may makakita sa atin. Kailangan ko rin bumalik sa kwarto ko baka hanapin ako ng Daddy mo."

"I-lo-lock ko naman ang kwarto ko. Hindi nila mabubuksan 'yan dahil sa loob naman naka-lock." Binalatan ko ang orange.

"Delikado ang iniisip mo. Ayokong mawalan ng trabaho at ayoko rin sirain ang buhay mo kapag nalaman nila ang tungkol sa atin." Sinuboan niya ako ng chocolate.

"Ngayong gabi lang naman. Sige na, Miguel. Natatakot kasi akong matulog ng mag-isa lalo na't hindi pa nahuhuli ng mga pulis si Ken dahil namatay lahat ng mga kasama niyong pulis kanina."

Hinahawakan niya ang mga