Chapter Thirty

MAHIGPIT na yakap ang ginawa ni Anastasia habang buhat-buhat niya si Cazz palabas ng building ng condo unit.

Hindi niya akalain na si Craig ang taong kita kay Cazz. Sa dinami-rami ng tao, siya pa talaga? Kung sino pa ang ayaw niyang makita sa pagbalik nila rito sa Pilipinas ay talagang ipagkukrus sila ng landas. Mukhang pinaglalaruan ata siya ng tadhana.

Nang malaman niya mula kay Virginia na nawawala si Cazz ay agad silang lumuwas ni Crayson papunta sa Manila. Pero noong mga sandaling nabalitaan niya ang pagkawala ng anak, may bahagi sa puso niya ang nagsasabing hindi dapat siya kabahan. Ngayon alam na niya kung bakit.

Mabilis silang sumakay sa sasakyan ni Rolly at agad nito pinatakbo ang kotse palayo sa lugar na iyon.

"You're hurting me," Cazz cried.

Niluwagan niya ang pagkakayakap sa anak. "I'm sorry, Baby."

"I want to go back to dada!" patuloy pa rin ito sa pag-iyak.

"He's not your dada, Cazziana," mariin niyang sabi na lalo nitong ikinaiyak.

Pilit iyong kumakawa sa pagkakabuhat n