Book 4: Chapter 20-Bigo

Patakbong pumasok si Rafael sa kusina nang marinig ang sigaw ni Jenny at kasabay nang paglagabog ng isang bagay. Nang makita itong nakahiga sa sahig ay ganoon na lang ang takot niya.

"Be-be careful!" Pigil niya sa paglapit sa kaniya ng binata bago napangibit dahil totoong nasaktan siya. Napasobra ang lagay niya ng mantika sa sahig kaya madulas iyon.

Mabilis na napahawak si Rafael sa lamesa bago pa siya madulas. Napamura siya nang makita ang kalat sa lababo at sahig. "Aleng Alice!"

Lihim na napangisi si Jenny nang dumagundong na ang boses ni Rafael sa buong kabahayan dahil sa galit.

"Ano ang nangyari?" tanong ni Tanya mula sa kabilang linya.

"Hindi ko pa alam, hija!" ani Alice habang nagmamadaling lumabas ng silid at bitbit pa rin ang cellphone.

Nakangiting umupo si Tanya sa kama at nakinig lang sa ingay mula sa kabilang linya. Mukhang may ginawa na naman ang babaeng karibal na hindi pa nakikita kaya naririnig niya ang galit na tinig ni Rafael.

"Hijo, ano ang problema?" tanong ni Ali