Book 4: Chapter 24-First kiss

Napabangon si Rafael nang nasa tiyan na niya ang binti ng dalaga. Ang sarap na nang tulog nito pero siya ay hindi mapakali. Bukod sa nag iiba ang pakiramdam niya dahil nasa kama niya ang babaeng gumigising sa libido niya ay ang likot pa nito. Kapag wala siya ay tiyak nahulog na ito sa higaan. Tama nga ang ina nito na hindi sapat na ipangharang ang unan lang.

Napalunok ng laway si Rafael nang mahawakan ang makinis na binti ng dalaga. Dahan-dahan niyang ibinaba iyon mula sa pagkapatong sa tiyan niya. Isa pang buntong hininga ang ginawa niya bago nagpasya na alisin na ang harang sa pagitan nila at tumabi rito. Kailangan niyang yakapin ito upang hindi na makapaglikot at nang makatulog na rin siya.

Nagising si Jenny na parang masikip ang paligid. Itutulak na sana niya ang bagay na nakaharang sa harapan niya nang maamoy niya ang bango nito. Bigla niyang naalala na katabi niya sa pagtulog ang binata. Nakayakap ito sa kaniya kaya pala hindi siya makakilos.

"Maaga pa kaya matulog kang muli."