Book 4: Chapter 25-Pagkain

Inirapan ni Alice ang dalaga nang malingunan ito. "Hindi ko alam kung ano ang gusto mong kainin kaya si Rafael lang ang ipinagluto ko."

Ngumiti si Jenny sa matanda kahit hindi bagay dito ang magtataray sa kaniya. "Ayos lang po, lola, ayaw ko rin namang kainin ang luto mo at baka sumama din ang loob ko."

"Hindi pa ako matanda!" angil ni Alice sa dalaga at ang aga ay sinisira na ang araw niya

"Lola, relax at lalo kang tatanda kapag laging galit." Nakangiti pa rin niyang ani habang binubuksan ang ref.

Pakiramdam ni Alice ay kumukulo ang dugo niya habang nakatingin sa babae. Hindi siya umalis at binantayan ang bawat kilos nito. "Bakit inilabas mo lahat? Kaya mo bang ubusin iyan?"

Tiningnan ni Jenny ang hawak na isang balot ng hotdog at limang itlog. "Malakas pong kumain si Rafael." Nakangiti niyang sagot dito.

"Hindi mo na siya kailangang ipagluto dahil nailuto ko na siya." Nairitang paliwanag ni Alice.

Napatingin si Jenny sa nakahain sa lamesa. May tapa doon, hotdog at itlog. "Problema