Chapter 9.2

HUMINTO ang sasakyan sa harap ng isang malaking mansyon na triple ang laki sa malacañang. Nakabase ang mansyon na ito sa gitna ng malawak na kagubatan na napapalibutan ng matatayog na pader na nababalutan ng ilang halaman. Sa bungad papasok sa mansyon, makikita ang makapal at matibay na itim na gate na may ilang nakabalot na halaman.

Bumukas ang gate kaya malayang pumasok ang sasakyan sa loob. Sakay nito sila Rosie at Nicklaus na nakasuot ng purong itim na damit. Inabot ng tatlong minuto ang dalawa hanggang marating nila ang mismong mansyon. Pagkahinto ng sasakyan, doon pa lang sila lumabas at tahimik na pumasok sa loob.

Katulad ng gate, kusang bumukas ang napakalaking pinto kaya nanguna si Rosie sa pagpasok sa loob. Malamig na hangin ang bumungad sa kanila kasunod ng ilang bampirang tumingin sa kanilang pagpasok. Walang imik lamang na naglakad ang dalawa hanggang marating nila ang dulong bahagi ng mansyon. Sa dulo nito nakalagay ang ilang upuan ng council na napahin