CHAPTER 20

THIRD PERSON'S POV

Masayang-masaya ang isang batang lalaki habang nasa loob ito ng sasakyan kasama ng kaniyang mga magulang at pinsan. Sa sobrang malapit sa isa't-isa ay halos doon na nakatira sa bahay nila ang pinsan niya.

Ngayon ay ang kaniyang kaarawan kaya bibisita sila sa bahay ng kanilang lolo at lola. Doon kasi ipagdiriwang ang kaniyang ika-labing tatlong kaarawan.

"Masaya ka ba, ginoo?" magiliw na tanong ng kaniyang ina rito.

"Of course, mom. Sobrang saya ko po dahil makikita kong muli sina lolo at lola. At the same time, ang mga pinsan ko rin," nakangiting sagot ng batang lalaki sa ina nito.

"Makikita ko na naman si Jasmine. Ang malditang Jasmine," saad ng pinsan nito. Nagtawanan ang mga ito dahil sa sinabi ng pinsan ng batang lalaki. Alam kasi nilang magkaaway talaga ang magkapatid.

"Hayaan mo, pinsan, sa oras na makita natin siya ay tatakutin natin siya ng palaka." May pilyong ngiti ang magpinsan dahil sa naisip. Itinaas pa ng batang lalaki ang laruang palaka kaya mas lalo