CHAPTER 27

"Himala yata, Tam. Ngayon ka lang sumabay sa amin sa pagbaba, ah," masiglang sabi sa kanya ni Crisanta nang dumating ang alas-singko ng hapon at sumabay siya sa mga ito sa pagbaba sa ground floor.

Napapangiti na lang siya sa alanganing paraan. Totoo naman kasi ang mga sinabi nito. Dahil nga sa ang nais ni Lorenzo ay lagi siyang sumabay dito sa pag-uwi sa condo unit ay laging pinapauna ni Tamara ang kanyang mga kasamahan na makaalis muna ng OFC bago siya magtungo sa basement.

Hindi niya kasi nais na makita siya ng mga ito na sumasakay sa kotse ng big boss ng kompanyang pinagtatrabahuan nila. Hangga't maaari ay hindi niya gustong maging laman ng usap-usapan.

But thinking about her last conversation with Lorenzo, it seemed like she has no choice at all. Ang nais ni Lorenzo ay magpakasal sila, na sa kung ano mang kadahilanan ay hindi niya pa rin lubusang maiproseso sa kanyang isipan.

Gusto nito ng malalim na relasyon, yaong maging magkasintahan na talaga sila at kalaunan nga ay magpakasal