CHAPTER 32

Nang makalayo si Tamara kasama ang kaibigan nitong si Rose upang magtungo sa banyo ay agad niyang binalingan si Ethan. Katulad niya ay sinundan pa muna nito ng tingin ang dalawang babae saka siya nilingon.

Hindi niya alam kung ano ang unang sasabihin sa kanyang kaibigan. Sa katunayan ay hindi niya alam kung ano ang unang madarama para dito. Nahahati siya sa pagitan ng gustong mainis at gustong matawa para sa binata.

Una, nais niyang mainis dahil nang nahuli siya ng mga itong kasama si Tamara sa loob ng kanyang condo unit ay katakot-takot na tanong ang inulan nito para sa kanya. Nang mang-usisa ito kung bakit nasa unit niya si Tamara ay daig niya pa ang isang taong nasukol sa isang bagay na hindi niya dapat ginawa.

At the same time, gusto niyang matawa. Ganoon na lang kung makapag-usisa ito sa kanya, iyon pala ay pareho lamang silang dalawa. Lalaki din siya. Hindi na niya kailangan pang itanong kung ano ang namamagitan dito at kay Rose. Alam niyang hindi na lang simpleng employer-emplo